English
Srpski
Duke u bazuar ne situatën epidemiologjike të raporteve të publikuara ne WOAH (Organizata Botërorë për Shëndetin e kafshëve ), ka lajmërime për shpërthime të sëmundjes Mortaja Afrikane e Derrit ne shtetet përreth. Në Shqipërisë dhe Malit te Zi tek popullata e derrave të egër. Se fundmi janë prekur fermat e derrave të butë ne shtetin e Serbisë ne afërsi me kufirin e Kosovës. Andaj urdhërohen të gjithë fermerët mbajtës të Derrave qe të ngritin nivelin e biosigurisë ( masat vetëmbrojtëse) ne fermat e tyre. Duke aktivizuar barrierat me dezinfektues dhe kufizim të hyrje daljeve në ferma. Përmes secilave synohet të mbrohen ekonomitë familjare të fermerëve dhe ekonominë e shtetit.
Agjencia e Ushqimit dhe Veterinarisë kërkon ngritjen e nivelit të gatishmërisë për institucionet relevante lokale dhe qendrore siç janë: Komunat, MBPZHR, APK, Federata e Gjuetarëve të Kosovës me shoqatat e tyre ne nivel vendi, për marrjen e masave te nevojshme për rastet e dyshimta nga tereni. Secili qytetarë e në veçanti fermerë duhet të lajmëroj nëse sheh ndonjë derr të ngordhur apo nëse ka dyshime në sëmundje tek ferma. Zyrat regjionale te AUV-se do të pajisen dhe shprendajnë materialin informues ( postera ,broshura ) tek fermerës me këshilla të qarta profesionale për parandalimin e përhapjes se kësaj sëmundje.
Raportoni në numrin:
0800 500 95 Pa pagese 24h
LAJMËRIM
(Për fermerët mbajtës të derrave )
Çfarë duhet të bëni si fermer për tu mbrojtur nga infektimi i fermës tuaj:
- Parandaloni kontaktin e derrave të tjerë me derrat tuaj,
- Mbani derrat në kushte të mira,
- Mos shkoni në tregje apo vende tjera ku ka derra.
- Vendosni masat e biosigurisë ne fermë
- Vendos dezbarierat në hyrje dhe dalje të fermës,
- Zvogëloni dhe kontrolloni hyrjet e njerëzve,
- Pastroni dhe dezinfektoni objektet, pajisjet, veshjet dhe mbathjet e personave në kontakt me derrat,
- Nëse vëreni shenja të sëmundjes lajmëroni autoritetin kompetent,
- Nëse keni ngordhje, njofto autoritetin i cili do të ju ndihmoj për asgjësim,
- Në asnjë rast mos i hidhni në hapësira publike derrat e ngordhura.